Komishon Sentral di Parlamento a risibí informe tékniko relashoná ku e benefisionan di tratadonan fiskal pa Kòrsou.

Djamars 20 di yüni 2023, Miembronan di Parlamento a bin huntu den un Komishon Sentral pa risibí informe tékniko relashoná ku e benefisionan di tratadonan fiskal pa Kòrsou. Mr. dr. Germine Rekwest asistí dor di sr. David van ‘t Hof, tabata enkargá ku e presentashon. Durante e reunion, Miembronan di Parlamento a hasi vários pregunta relashoná ku e tópiko. Despues di un pousa di 30 minüt, Mr. dr. Germaine Rekwest i sr. David van ‘t Hof, a kontestá e preguntanan hasí den e úniko tanda.

Presidente di Parlamento sra. Charetti America-Francisca, a yama e reunion aki riba petishon di diferente Frakshon, despues ku a trata e proposishon di lei di Reino konteniendo aprobashon di e Tratado Internashonal entre e Reino Hulandes, na nòmber di Kòrsou, i e Repúblika Malta pa evitá impuesto dòbel i e prevenshon pèrdè impuesto relashoná ku entrada Valleta, 6 di mei último. Mr. dr. Germine Rekwest ta asistí ministerio di Finansa ku e maneho di Tratado pa Kòrsou.