KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Kontròl riba establesimentunan di pèrmit.

 

KOMUNIKADO DI PRENSA 297/2023.
24 yüni 2023.

Kontròl riba establesimentunan di pèrmit.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 23 di yüni 2023, personal di warda di polis Montaña huntu ku M.E.O., G.M.N. i
B.A.B. a tene kontrol riba establesimentunan di pèrmit den e área pariba di Kòrsou.
En total a kontrolá 12 lokalidat ku tabata varia for di café/restorant te na minimarket.
Di e 12 lokalidatnan aki, 3 di nan tabata kompletamente na òrdu, miéntras e otro 9 nan a
risibí atvertensia pa entre otro e siguiente inkumplimentunan:
 Benta di number ilegal;
 Merkansia ku tabata dañá;
 Kushina den estado a-higiéniko;
 Trahadó sin karchi di kùr bálido;
 Preparashon di kuminda di un forma no adekuá.
Kushinanan ku no tabata na òrdu a wòrdu será na mes momentu.
Kada instansia ku a partisipá na e kontròl aki, pa loke ta trata e parti di su responsabilidat i
outoridat, a atendé ku e propietarionan di e diferente negoshinan aki i lo aktua konforme e
prosedimentunan stipulá.
E kontròlnan aki lo kontinuá.

 

639114718427035"
639114718427035"