Mas bibienda Pagabel na Boneiru den tempu korto. Esaki ta un di e prioridatnan di Gobièrnu di Boneiru pa e siguiente 4 añanan.

Mirando kon nos poblashon a krese den e lastu añanan, e nesesidat pa un bibienda a bira mas grandi. Ku konsekuensia ku prijsnan pa bibienda riba merkado privá a subi extremadamente. Esaki ta hasiendo e proseso muchu mas difisil pa nos komunidat por haña un bibienda pagabel, segun Diputado Thielman.

Komo Gobièrnu di Boneiru nos ke krea un vishon inovativo pa ku bibienda sosial segun Diputado Kroon. Nos vishon ta pa krea mas bibienda pagabel, modèrno i di kalidat. Nos ke pa mas i mas hende den nos komunidat por bira doño di nan propio kas, kuminsando na:

• Famianan ku entrada mas abou i medio;
• Nos hóbennan profeshonal;
• Adultonan di 50+

P’esei durante di e biahe di Kolegio Ehekutivo na Hulanda siman pasá, a hiba diferente kòmbersashon i reunionnan ku instansianan na Hulanda (entre otro ministerio di Bibienda Popular i Ordenamentu Teritorial) pa asina por krea un akuerdo kaminda ta konstruí un kantidat grandi di bibienda na Boneiru den un tempu kòrtiku.

Ta e intenshon pa den e próksimo simannan finalisá e akuerdo aki, pa asina por firma esaki na e siguiente bishita di minister di Bibienda Popular i Ordenamentu Teritorial, sr. Hugo de Jonge.

Meer betaalbare woningen op Bonaire op korte termijn. Dit is een van de prioriteiten van het openbaar lichaam Bonaire voor de komende 4 jaar.

Gezien de bevolkingsgroei van de afgelopen jaren, is de behoefte voor betaalbare woningen sterk toegenomen. Wat heeft geleid tot stijgende prijzen voor woningen op de particuliere markt. Dit maakt het moeilijker voor de gemeenschap om een betaalbare woning te vinden, volgens gedeputeerde Thielman.

Als OLB willen we een innovatieve visie creëren voor sociale huisvesting, zegt gedeputeerde Kroon. Onze visie is om meer betaalbare, moderne en kwalitatieve huisvesting te creëren. We willen dat steeds meer mensen in onze gemeenschap eigenaar worden van hun eigen huis, te beginnen met:

• Gezinnen met lagere en middeninkomens;
• Onze jonge professionals;
• Volwassenen van 50 jaar en ouder

Daarom is er tijdens het werkbezoek van het Bestuurscollege in Nederland, diverse gesprekken en overleggen gehad met instanties in Nederland (waaronder het Ministerie van Volkshuisvesting en Ruimtelijke Ordening) om tot een akkoord te komen waarbij een aanzienlijk aantal woningen zullen gebouwd worden op Bonaire zeer korte tijd.

Het is de bedoeling om dit akkoord in de komende weken af te ronden, zodat het ondertekend kan worden tijdens het volgende bezoek van de Minister van Volkshuisvesting en Ruimtelijke Ordening, de heer Hugo de Jonge.