HUNTA DI KOMISARIO DI CURAÇAO DATA & TELEVISION TA ATENDÉ ÚLTIMO DESAROYONAN NA TELECURAÇAO KU E DELIGENSHA NESESARIO
HUNTA DI KOMISARIO DI CURAÇAO DATA & TELEVISION TA ATENDÉ ÚLTIMO DESAROYONAN NA TELECURAÇAO KU E DELIGENSHA NESESARIO
Willemstad 27 di Yuni 2023- E Hunta di Komisario di Holding Curaçao Data and Television (CD&T), bou di kua Data Planet i TeleCuraçao ta kai, ta atendiendo e último desaroyonan na TeleCuraçao na un forma deligente pa asina por garantisá ku e desishon i akshonnan tumá ta den liña ku bon funshonamentu korporativo, i ku e kompania su funshonamentu ta keda garantisá. Djaluna 26 di yüli último, den bon palabrashon ku e aktual gerente di e CD&T a kumbiní ku e ta tuma su dianan di vakashon te na momento ku su kontrakt vense. Hunta di Komisario di CD&T a apuntá, konforme loke statuto ta pèrmití, un miembro komo gerente temporal. Sr. John Loefstop lo atendé asuntunan pendiente di CD&T te na momento ku apuntá un gerente nobo pa e holding.
CD&T ta atené na e bon modal di no komentá asuntunan ku ta regardá personal ku ta laborá na un di e kompanianan ku ta kai bou di CD&T públikamente. Pa e motibu aki CD&T lo no por komentá tokante e retironan na TeleCuraçao ku a keda raportá den medionan di komunikashon.
Mientrastantu tur esfuerso ta keda hasí na nos planta nashonal pa por sigui sirbi nos komunidat ku bon programashon, speshalmente den e siman importante ku nos ta aden.