KOMUNIKADO DI PRENSA 311/2023.
5 yüli 2023.

Detenshon pa intento di asesinato i destrukshon.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 4 di yüli 2023 alrededor di 18.07’or, Sentral di Polis a dirigí un unidat di Punda pa
Kaya Kitoki pa un kaso di intento di asesinato i destrukshon.
For di informashon preliminar ku polis a logra kompilá, a sali na kla ku un dama despues di
un interkambio di palabra ku su pareha, lo a manda outo riba e hòmber.
Despues e dama sospechoso a dal ku su outo den dos vehíkulo i un boto i destruí esakinan.
Mas lat den kaya Sambarku a detené e dama sospechoso T.C.J.M. di 39 aña di edat
nase na Kòrsou.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.