Detenshon na aeropuerto Hato

Prinsipalmente riba retnan sosial ta paresé varios reklamo tokante artikulonan pèrdí for di maletanan riba buelonan prosedente di Hulanda i Miami. Na momentu ku e pasahero habri su maleta e ta nota ku tin artikulonan manera paña, telefon, kolonia i hoyas ku no ta den su maleta mas.

Outoridatnan konserní tabata tin bista riba e grupo ku ta karga i deskargá maleta komo ku ta aki e maletanan ta keda habrí i será bèk di forma ingenioso. Despues ku a drenta den akshon, a hasi detenshon di sigur 6 empleado ku ta karga i deskargá maleta. Investigashon ta kontinuá i no ta ekskluí mas detenshon.