KOMUNIKADO DI PRENSA 324/2023.
11 yüli 2023.

Kontròl di tráfiko.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 10 di yüli 2023, personal di e unidat enkargá ku tareanan speshal (U.S.T.), a tene un
kontròl di tráfiko entre 18.00’or i 19.20’or riba Nijlweg.
Durante di e kontròl aki, 51 vehíkulo ku a pasa dor di e ‘roadblock’ a keda kontrolá i a
repartí 21 prosès verbal pa e siguiente infrakshonnan den tráfiko.
Manehá un vehíkulo sin:
 Karchi di kùr bálido;
 Reibeweis bálido;
 Seguro bálido;
 Plachi di number na e parti dilanti di e vehíkulo pegá.
Manehá un vehíkulo ku glas skur dilanti.
E kontròlnan aki lo kontinuá.