KOMUNIKADO DI PRENSA 343/2023.
21 yüli 2023.

Petishon pa informashon di aksidente.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 29 di yüni 2023 a tuma lugá un aksidente okashoná dor di pasamentu den lus kòrá
na e krusada Schottegatweg-Noord i Kaya Wladimir “Coco” Balentien.
E aksidente aki tabata entre un trùk koló blanku marka Kia numerá U/18-14 i un outo di
famia Hyundai Accent koló korá numerá L/84-14.
E trùk blanku tabata kore riba Schottegatweg-Noord den direkshon di Biesheuvel i e outo di
famia a baha for di Kaya Wladimir Balentien pa lora na man robes i subi SchottegatwegNoord i bai den direkshon di Biesheuvel.
Ambos shofùr a deklará ku nan a pasa den lus bèrdè.
Personal di Departamento di Tráfiko ta hasi un apelashon na kualke testigu ku por a
presensia e aksidente aki òf ku tabata kore tras di un di e dos vehíkulonan aki, pa tuma
kontakto ku e personal na e numbernan di telefòn 7246120 òf 7246121.