NOS SELEKSHON NASHONAL KATEGORIA U-15 TA KLA PA E 2023 CONCACAF BOY’S UNDER-15 CHAMPIONSHIP KU LO TUMA LUGÁ DI 6-13 DI OUGÙSTÙS
AKI NA KÒRSOU!
E siguiente selekshon ku lo representá Kòrsou lo ta nos selekshon nashonal kategoria
U-15 ku ta preparando pa e 2023 CONCACAF Boy’s Under-15 Championship.
Nos selekshon, bou di guia di Rudsel Schmidt i Kevin van Velzen, tin algun siman ta praktikando pa nos partidonan di e torneo aki ku lo tuma lugá aki na Kòrsou i Repúblika Dominikana di 6 pa 13 ougùstùs 2023.
Un total di 42 pais lo partisipá na e torneo aki ku a keda repartí den 3 liga, abase di nan puesto riba e tabla di posishon di CONCACAF. Liga A i liga B ta partí den 4 grupo di 4 pais, miéntras Liga C ta konsistí di un grupo di 4 pais i 2 grupo di 3 pais.
E repartishon ta lo siguiente;
Liga A
Grupo A: Mexico, Jamaica, El Salvador i Saudi Arabia.
Grupo B: Merka, Haiti, Cuba i Qatar.
Grupo C: Canada, Panama, Guatemala i Repúblika Dominikana.
Grupo D: Honduras, Costa Rica, Puerto Rico i Trinidad & Tobago.
Liga B
Grupo E: Nicaragua, Sürnam, Martinique i Grenada.
Grupo F: Guadeloupe, Guyana, Barbados i St. Lucia.
Grupo G: Bermuda, Aruba, Cayman Islands i Belize.
Grupo H: Kòrsou, Boneiru, Antigua & Barbuda i St. Kitts & Nevis.
Liga C
Grupo I: British Virgin Islands, Dominica, Turks & Caicos i Sint Maarten.
Grupo J: St.Vincent & Grenadines, US Virgin Islands i French Guiana.
Grupo K: Anguilla, Saint Martin i Montserrat.
Liga B di e torneo aki ta tuma lugá na Kòrsou ku un total di 16 pais ku ta partisipando. Tur dia lo tin 4 partido den Stadion Rignaal ‘Jean’ Francisa i Stadion Ergilio Hato for di mainta te den oranan di anochi. Mas ku klaro Kòrsou ta kontinuá ku e preparashonnan pa duna un bon presentashon durante nos partridonan di e 2023 CONCACAF Boy’s Under-15 Championship ku ta tuma lugá na kas.
Keda pendiente pa mas informashon…
23 yüli 2023