Pronóstiko di tempu pa Kòrsou i bisindario bálido te djadumingu atardi 18:00 o.l., 20 di ougùstùs 2023.

Pronóstiko

Pronóstiko di tempu pa Kòrsou i bisindario bálido te djadumingu atardi 18:00 o.l., 20 di ougùstùs 2023.
Kompilá: djasabra 19 di ougùstùs 2023, 17:00 o.l. (21:00 UTC).

Tempu: Inisialmente awe nochi parsialmente nublá ku bista limitá i wer seku. Despues den mardugá pa mañan mainta, nubianan lo oumentá ku chèns pa awa kai i bos zona.

Temperatura máksimo lo alkansá 32ºC i temperatura mínimo 26ºC.
Solo ta sali 06:25 i ta baha 18:54 o.l.

Bientu: Generalmente ost i suak te moderá; forsa 2 te 4 (7 te 30 km/ora, 4 te 16 nudo). Prinsipalmente den áwaseru mas pisá, de bes en kuando ráfaga basta fuerte; forsa 5 (31 te 39 km/ora, 17 te 21 nudo).

Situashon general: Un ola tropikal situá riba parti oriental di Karibe lo transkurí nos region durante e siguiente dos dianan. E sistema aki lo pasa ku un mayoria di su wer nort di nos islanan. Apesar di esaki, fluho di bientu lo debilitá i bira gradualmente for di direkshon nortost i asina trese airu mas húmedo i instabil den nos área. Esaki lo permití algun desaroyo di áwaseru riba parti di e isla prinsipalmente riba djadumingu. Tambe visibilidat, lo mehorá na momento ku santu fini prosedente di Sahara ta bandoná nos área.

Kondishon di laman: Trankil te moderá ku altura di olanan entre 0.5 i 1.5 meter (2 i 4 pia). Olanan di mas haltu ta na kosta nort dor di resake.

Sistemanan signifikante di wer tropikal: Depreshon tropikal number seis a desaroyá ayera mèrdia riba Atlántiko Nort i ta move den un direkshon nortwèst riba laman ganchu. E sistema aki no ta forma un menasa pa Kòrsou.

Fenómeno spesial: Ningun.

Perspektiva te djaluna atardi: Por lo general hopi nublá ku un bon chèns pa awa kai ku welek i bos.

Meteorólogo: Correa