NOS SELEKSHON NASHONAL FEMENINO KATEGORIA U-17 LO PARTISIPÁ NA E PARTIDONAN DI KUALIFIKASHON PA E 2023 CONCACAF WOMEN’S UNDER-17 CHAMPIONSHIP DI 26-30 DI OUGÙSTÙS AKI NA KÒRSOU!
Miéntras nos selekshon femenino U-14 ta sakando nos kara den eksterior, nos selekshon nashonal femenino kategoria U-17 lo bai saka nos kara aki na Kòrsou durante e partidonan di kualifikashon pa e 2023 CONCACAF Women’s Under-17 Championship ku lo tuma lugá di 26 pa 30 di ougùstùs binidero. Nos selekshon, bou di guia di Heinrich Roojer i Riesmarly Tokaay, tin algun luna ta praktiká pa sali viktorioso durante nos partidonan di kualifikashon p’asina keda den kontienda pa e kampionato aki.
Un total di 26 pais lo partisipá na e partidonan di kualifikashon pa e 2023 CONCACAF Women’s Under-17 Championship ku a keda repartí den 4 grupo di 4 pais i 2 grupo di 5 pais. Kòrsou ta partisipá den grupo A huntu ku El Salvador, Trinidad & Tobago i Cayman Islands.
Grupo A su partidonan lo tuma lugá riba dianan 26, 28 i 30 di ougùstùs den Stadion Rignaal ‘Jean’ Francisca.
Skema grupo A:
| Fecha | Oraio | Tim di kas | Bishitante | Stadion | |
| 1 | 26-8-2023 | 4:00 PM | El Salvador | Cayman Islands |
Stadion Rignaal ‘Jean’ Francisca |
| 2 | 7:00 PM | Trinidad & Tobago | Kòrsou | ||
| 3 | 28-8-2023 | 4:00 PM | Cayman Islands | Trinidad & Tobago | |
| 4 | 7:00 PM | Kòrsou | El Salvador | ||
| 5 | 30-8-2023 | 4:00 PM | El Salvador | Trinidad & Tobago | |
| 6 | 7:00 PM | Kòrsou | Cayman Islands |
Preparashonnan ta kontinuá pa nos selekshon nashonal femenino kategoria U-17 tambe duna un bon presentashon durante nos partidonan di kualifikashon pa e 2023 CONCACAF Women’s Under-17 Championship ku lo tuma lugá aki na Kòrsou di 26 pa 30 di ougùstùs binidero.
Keda pendiente pa mas informashon…
