KOMUNIKADO DI PRENSA 416/2023.
6 sèptèmber 2023.

Polis ta hasi algun detenshon i konfiskashon di arma di kandela i droga.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djarason 6 di sèptèmber 2023 alrededor di 06.57’or, Sentral di Polis a risibí informashon di
Warda Kosta ku nan a tuma nota di un lancha ku tabata algun miya na parti ost di Kòrsou i
ku tabata yegando kosta.
Mesora a dirigí algun unidat polisial den e área indiká ku ta ubiká ost di Mijmaatschappij i
den e mondi a bin enkontrá na promé instante ku un hòmber, un dama i un menor di edat
di sekso maskulino.
Kontinuando ku e investigashon den e área ei, un di e unidatnan a bin topa ku dos otro
hòmber ku tabata skondí. Den e besindario di e hòmbernan a bin topa tambe un saku
konteniendo 7 arma di kandela i dos paki di kokaina.
A konfiská esakinan mientras ku e kuater adultonan, di kua 3 venezolano, A.S.D.B.,
R.E.M.H. i E.C.F.D. di respektivamente 46, 41, 39 aña di edat i e hòmber di Ecuador
D.N.C.C. di 37 aña di edat a keda detené i entregá na e Divishon di Krímen Organisá.
Nan ta keda sospechá di kontrabanda di hende, i violashon di lei di opio i di arma di
kandela.
For di investigashon mas leu a sali na kla ku mama di e menor di edat, e dama J.G.P.Z. di 23
aña di edat ya ta permanensiendo riba nos isla i na momentu ku e último aki a presentá na
warda huntu ku wela di e menor, e dama M.N.Z.V di 43 aña di edat, ambos venezolano,
nan tambe a keda detené.
Di informashon ku polis ta optené, lo mester tin mas persona ku a yega ku e lancha, ku
ainda ta skondí den e mondi. E búskeda di esakinan ta kontinuá.