KOMUNIKADO DI PRENSA 427/2023.
11 sèptèmber 2023.

Detenshon relashoná ku atrako.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un kaso di atrako ku a tuma lugá dia 1 di sèptèmber 2023 den
Pietermaaiweg, polis a hasi un detenshon mas.
Djasabra 9 di sèptèmber 2023 alrededor di 04.50’or, Tim di Atrako a hasi detenshon di e
hòmber sospechoso G.A.v.L. nase na Kòrsou di 31 aña di edat.
E detenshon a tuma lugá den Kaya Jose Maria Pinedo.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.