Fundashon Pro Souax ku CHARLA: DIABETIS MELLITUS: Un FORMA NOBO di KOME i BIBA

Fundashon Pro Souax ku CHARLA: DIABETIS MELLITUS: Un FORMA NOBO di KOME i BIBA

Fundashon Pro Souax i Sentro di bario Souax, ta informá habitantenan di Souax, Gato, Zegu i bisindario i demas interesado ku djamars próksimo 19 di sèptèmber lo tin kontinuashon di e siklo di charla “ALIMENTASHON RESPONSABEL” .

E luna aki DIETISTA SRA. SIEGMARA CAROLINA lo trata e tópiko DIABETIS MELLITUS: Un FORMA NOBO di KOME i BIBA.
Durante di e charla e dietista entre otro lo duna informashon riba: e malesa di diabetis mellitus, kiko ta un dieta saludabel pa un pashènt ku tin e malesa di Diabetis Mellitus i kiko e pashènt ku tin suku mester hasi i tene kuenta kuné pa mehorá su kalidat di bida.

Entrada ta grátis i lo tin amplio oportunidat pa hasi pregunta.
Un i tur ta keda kòrdialmente invitá pa bin skucha informashonnan interesante riba e tópiko aki.