Prinsjesdag na VNW

Miéntras tantu a bira tradishon ku na Representashon di Hulanda na Willemstad (VNW) ta organisá e Prinsjesdag Challenge riba e di tres djamars di sèptèmber, ku ta Prinsjesdag. E aña aki mas di 75 alumno di havo-4 i vwo-5 di diferente skol sekundario tabata di bishita na e ofisina di Representashon di Hulanda na Skao. Pa ehekutá e challenge bon e studiantenan mester a lanta un partido polítiko fiktisio i ku un suma fiktisio di 100 mion florin mester a formulá un plan di gobernashon ku tabata konsistí di tres punto di lansa. Un hurado independiente di tres persona, konsistiendo di grifi di parlamento Silvin Cijntje, Representante suplente di Hulanda Judith Jeurissen i èks-promé-minister Eugene Rhuggenaath a husga e gruponan a base di kuater kriteria, esta argumentashon sustantivo, relevashon sosial, originalidt i presentason. Ku su partido polítiko fiktisio BEE, Kolegio Alejandro Paula (KAP) a gana e premio di originalidat. International School Curaçao a gana e di tres premio, Abel Tasman College e di dos premio i Albert Schweitzer e promé premio. Na nòmber di e skolnan aki VNW ta regalá respektivamente 1.000, 2.000 i 3.000 florin na un bon kousa di nan eskoho.