KOMUNIKADO DI PRENSA 449/2023
21 sèptèmber 2023

7 detenshon pa kontrabanda di hende òf kómplise na esaki

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps mardugá dia 21 di sèptèmber 2023, un lancha a yega kosta na Piscaderabaai ku 19
persona a bordo, di kua 7 hende hòmber, 7 hende muhé i 5 menor di edat.
Mesora polis a drenta akshon i a tuma e personanan aki ku ta indokmentá for di personal di
Wardakosta.
Kontinuando ku e investigashon, e Divishon di Krímen Organisá a detené tres (3) persona ku
tabata riba e lancha pa kontrabanda di hende òf kómplise na esaki. Ta trata di e damanan:
 Y.A.L.D. di 26 aña di edat;
 Y.G.L.V. di 18 aña di edat;
 N.J.V.G. di 52 aña di edat tur nasé na Venesuela.
Despues di mèrdia a presentá tres (3) dama na Departamentu di Imigrashon ku a duna di
konosé ku nan ta mama di e menornan di edat ku tabata riba e lancha.
Nan tambe a keda detené pa kontrabanda di hende òf kómplise na esaki.
Ta trata di e damanan sospechoso:
 Z.Y.V.V. di 29 aña di edat;
 N.G.B.V. di 28 aña di edat;
 A.B.V. di 27 aña di edat nasé na Venesuela.
E hòmber venezolano H.J.S.M. di 31 aña di edat ku tambe a bin mèldu a keda detené.
A presentá e 7 sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.