KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Manifestashon Kultural Libertat, Igualdat, Fraternidat

Manifestashon Kultural Libertat, Igualdat, Fraternidat

WILLEMSTAD – Ministerio di Enseñansa, Siensia, Kultura & Deporte (ESKD) a tene un siman kultural den kuadro di Siman di Kultura. A tene vários tayer chiki durante di siman i a sera e siman ku un Manifestashon Kultural. E tayernan tabata maramentu di lensu, bishita na museo Shon Cola, yerba komo remedi i moveshon afrikano.
Personal di ministerio di ESKD a partisipá na e aktividatnan aki i a sera e siman ku un tremendo manifestashon kultural bou di guia di bazjan Raily, bazjan Sahayra, bazjan Jenny, bazjan Jennifer i bazjan Hayley. Tabata tin ‘Quiz’ Kultural Kibra kabes, himno i elogio na Tula, Poema músikal na okashon di despedida di sklabitut, poesia Rèspèt mutuo, obra teatral” E kasa di Tula” i a sera ku un tambú dediká na empleado Públiko.
Tur e presentashonnan a keda enfoká riba nos herensia kultural, tema i lema di Siman di Kultura 2023, ku enfoke riba Libertat, Igualdat i Fraternidat.

Leave a Reply

This site uses Akismet to reduce spam. Learn how your comment data is processed.