Detenshon relashoná ku intento di asesinato
KOMUNIKADO DI PRENSA 472/2023
3 òktober 2023
Detenshon relashoná ku intento di asesinato
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kontinuando ku investigashon relashoná ku un kaso di intento di asesinato ku arma
di kandela, ku a tuma lugá dia 9 di yüli 2023 na Montaña Rey, polis a hasi un
detenshon mas. Djamars 3 di òktober 2023, alrededor di 04.45’or tim di atrako
a hasi detenshon di e hòmber sospechoso S.G.N nasé na Kòrsou di 25 aña di edat.
Su detenshon a tuma lugá na Montaña Rey. Despues di su detenshon polis a tene un
entrada hudisial na e adrès menshoná pero no a enkontrá nada ku por ta importante pa e
investigashon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

