KOMUNIKADO DI PRENSA 486/2023
13 òktober 2023

Entrada hudisial i detenshon relashoná ku atrako

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Relashoná ku un kaso di atrako ku a tuma lugá dia 12 di sèptèmber 2023 na Veeris, polis a
hasi un detenshon mas.
Djabièrnè 13 di òktober 2023 alrededor di 04.55’or di mainta, Timnan di Aresto i Atrako a
tene 3 entrada hudisial i a konfiská artíkulonan ku ta di importansia pa e investigashon na:
 Papaya na Groteberg;
 Kaya Awaseru;
 Kaya Isaias Pimentel.
Na ningun di e tres adrèsnan no a enkontrá e sospechoso.
Alrededor di 12.00’or di mèrdia e hòmber sospechoso J.M.S., di 38 aña nase na Kòrsou, a
bin entregá su mes na warda di reshèrshi, kaminda mesora e detenshon a tuma lugá.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.