Kaso di hinkamentu ku 1 morto i 1 herido
KOMUNIKADO DI PRENSA 503/2023
20 òktober 2023
Kaso di hinkamentu ku 1 morto i 1 herido
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 20 di òktober 2023 alrededor di 02.44’or, Sentral di Polis a dirigí un unidat di
warda di polis di Otrobanda pa un adrès na Amerikaweg, na unda 3 ruman hòmber tabata bringando ku otro.
Na yegada di e unidat nan a topa un di e rumannan ku hinká na su lomba i garganta i ku un pòls basta suak. Mesora a pidi presensia di ambulansa pero na su yegada ya no por a hasi nada mas pa e víktima.
Alrededor di 04.00’or dòkter di polis a konstatá morto di e hòmber Ramiro Inaro Obispo di 61 aña di edat nasé na Kòrsou.
Un otro ruman hòmber ku tambe tabata enbolbí den e bringamentu, tabatin hinká na altura di su garganta i kabes i a keda transportá ku ku urgensia ku ambulans pa Sala di Emergensia di C.M.C pa tratamentu médiko.
E ruman sospechoso R.H.O. di 58 aña di edat nasé na Kòrsou ku a maltratá su dos
rumannan, ainda tabata na e sitio i a keda detené
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
