Nicole Lake ta hui for di prizon

Nicole Lake a hui for di prizòn SDKK

WILLEMSTAD,- Den oranan di atardi 4.15 ku a drenta notifikashon for di gerensia di prizòn ku un kliente di SDKK, den e kaso aki ku e hóben dama Nicole Lake lo mester a logra hui for di den e departamentu di hende muhé na e sentro penitensiario. Asina ku Minister Hato a risibí e notifikashon, el a ordená un investigashon inmediato i profundo, p’asina determiná kon e dama por a logra hui for di den SDKK.

Nicole Lake kende awor outoridatnan polisial ta buskando di forma intensivo, di manera ku hustisia por logra pone man bèk riba dje.

 

Kuerpo Polisial ya ta realisando un búskeda i ta investigando e kaso di huída aki di forma profundo. Ta hasi un yamada na komunidat, pa koperá ku polis i den kaso ku señalá e dama fugitivo, pa mèldu esaki mesorá na sentral di polis via dje numbernan di emergensia 911/ 917.