KOMUNIKADO DI PRENSA 515/2023
29 òktober 2023

Aksidente di tráfiko ku morto

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 28 di òktober 2023 alrededor di 10.40’or, Sentral di Polis a dirigí un unidat di
warda di polis di Rio Canario pa Schottegatweg-Noord na altura di un pòmp di gasolin pa un
aksidente di tráfiko kaminda tabatin un persona gravemente heridá.
Na yegada di e unidat, el a topa un dama drumi abou i ku tabata sangra for di kabes i boka.
Den e besindario a bin enkontrá un outo tambe.
Mesora a pidi presensia di ambulans, ku a transportá e víktima den un situashon krítiko pa
Sala di Emergensia di C.M.C.
Personal di Departamento di Tráfiko ku tambe a yega na e sitio, a kuminsá mesora ku
investigashon.
Alrededor di 15.50’or, Sentral di Polis a keda notifiká ku e dama Farah Maria Tadeska
Requena nase na Kòrsou dia 9 di oktober 1991, a fayesé a konsekuensia di heridanan ku el
a sufri durante di e aksidente.
Investigashon den e kaso aki ta kontinuá pa determiná kiko a sosodé.