Kaso di hinkamentu ku detenshon
KOMUNIKADO DI PRENSA 521/2023
5 novèmber 2023
Kaso di hinkamentu ku detenshon
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 4 di novèmber 2023 alrededor di 11.10’or, Sentral di Polis a dirigí un unidat pa un
adrès na Kaya Carl Krijt pa un kaso di hinkamentu.
Na yegada di e unidat, el a komprondé ku tabatin un problema familiar entre dos hòmber
ku a tèrminá den un hinkamentu.
Na e sitio polis no a topa ku e víktima, ya ku esaki a keda transportá ku outo partikular pa
Sala di Emergensia di C.M.C.
E sospechoso tampoko tabata na e sitio mas.
Alrededor di 11.40’or, e hòmber sospechoso E.S.E. di 62 aña di edat nasé na Kòrsou, a
entregá su mes na e departamento di U.S.T., na unda el a keda detené pa maltrato ku arma.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

