KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Entrada hudisial enkonekshon ku ladronisia di kabritu

KOMUNIKADO DI PRENSA 526/2023
7 novèmber 2023

Entrada hudisial enkonekshon ku ladronisia di kabritu

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Enkonekshon ku vários ladronisia di kabritu, djamars 7 di novèmber 2023 entre 09.30
i 14.00’or personal di VVC i tim di reshèrshi di Barber konhuntamente ku e tim
multidisiplinario konsistiendo di SBAB, MEO i GMN, bou di guia di fiskal di
Ministerio Públiko a hasi tres entrada hudisial i a kontrolá kuater establesimentu.
A bai na entre otro dos adrès na Klein Santa Martha i na un di e adrèsnan aki a enkontrá 17
kachu i tambe karni kabritu den vrizer. Esakinan a wòrdu konfiská pa GMN (Asuntunan
Veterinario).
Tambe a konfiská dos mata di mariwana i dos balansa. Seguidamente a tene un entrada
hudisial na un adrès na Lagun. A kontrolá dos establesimentu na Barber i na un di nan a
konfiská dos paki di karni kabritu bieu. Tambe a kontrolá un establesimentu na San Juan i
unu na Pannekoek. Na ningun di dos no a enkontrá nada partikular.
Durante di e entradanan hudisial aki no a hasi detenshon.
E investigashon den e kaso aki ta kontinuá.

 

639114718427035"
639114718427035"