Komishon Sentral di Parlamento a finalisá tratamentu di e Presupuesto pa aña di servisio 2024 “Ontwerplandsverordening tot vaststelling van de begroting van Curaçao voor het dienstjaar 2024”.

Parlamento di Kòrsou

Komishon Sentral di Parlamento a finalisá tratamentu di e Presupuesto pa aña di servisio 2024 “Ontwerplandsverordening tot vaststelling van de begroting van Curaçao voor het dienstjaar 2024”.
Djárason, 8 di novèmber 2023, Komishon Sentral di Parlamento a trata e sobrá kapítulonan di e Presupuesto 2024, kual ta kapítulo 16 ku ta kai bou di ministerio di ESKD, kapítulo 13 ku ta parti di ministerio di Hustisia, kapítulo 17 di ministerio di MEO i por último kapítulo 18 ku ta kai bou di responsabilidat di ministerio di GMN.
Na final di e reunion, Komishon Sentral a bai di akuerdo pa traha un relato di tur e preguntanan hasí dor di e Miembronan di Parlamento. Lo manda e relato pa Gobièrnu di Kòrsou pa Parlamento por risibí e kontestanan por eskrito.