Vehíkulo i a dal frontal den outo 2 ku tabata aserkando

Kralendijk, djaweps 9 di novèmber, alrededor di 7 or di mainta, un aksidente entre dos vehíkulo a tuma lugá riba Kaya Korona na altura di Kaya Frater Odulfinus. Shofùr di outo 1 tabata biniendo for di Antriol bayendo den direkshon di Playa i outo 2 tabata biniendo for di direkshon kontrario, bayendo den direkshon di Antriol. Outo 1 a bai pasa un vehíkulo i a dal frontal den outo 2 ku tabata aserkando. Shofùr di outo 2 a resultá gravemente heridá i ambulans a transport’é pa hòspital pa tratamentu médiko. A detené shofùr di outo 1 na e sitio. Ta trata di un hòmber di inisial E.I.A.W. di 38 aña di edat pa a okashoná aksidente ku leshon, pa manehá sin reibeweis i sin seguro bálido.