Minister Shalten Hato SEMINARIO DI SEGURIDAT DEN TRANSISHON DI ENERGIA

Awe mainta Minister Hato a duna inisio na e seminario di seguridat den transishon di energia organisá pa Kuerpo di Bombero di Kòrsou.

E transishon di energía ta trese desafionan nobo relashoná ku seguridat pa kuerpo di bomberonan. Ku e transishon pa fuentenan di energía sostenibel manera energía solar i energía di bientu, e riskonan i peliger ku kuerpo di bomberonan mester enfrentá tambe ta kambia. Den kaso di energía solar por originá kandela den panelnan solar o invertidónan. E kandelanan aki por ta difísil pa stòp mirando ku tin koriente eléktriko presente. E seminario lo bai tokante esaki i otro temanan relashoná ku energia alternativo.

Pa garantisá seguridat di kuerpo di bomberonan durante e transishon di energía, ta importante ku e bomberonan wòrdu bon eduká i entrená riba tereno di fuentenan nobo di energía i teknologianan. Tambe ta imperativo pa tin un bon koperashon i komunikashon entre kuerpo di bomberonan, kompanianan di energía i otro partnernan involukrá.