KOMUNIKADO DI PRENSA 535/2023
15 novèmber 2023

Kantidat di droga lokalisá i konfiská na Shete Boka

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Den oranan di mainta di djamars 14 di novèmber 2023, Sentral di Polis a dirigí unidat di
Barber pa Shete Boka, na unda personanan den e área ei a bin enkontrá un kantidat di
pakinan paresido na droga ku a yega nos kosta.
Na yegada di e unidat el a bin topa un bulto i diferente pakinan di kokaina.
Mesora a konfiská esakinan i a notifiká e Departamento di Narkótika ku tambe a yega na e
sitio pa realisá mas investigashon.
E pakinan di droga aki a pisa na tur algu mas ku 213 kilo i a keda destruí mesora.
Investigashon den e kaso aki ta kontinuá.