SERVISIO DI ATMISHON KU WÈPSAIT MULTILENGUAL

Minister Hato tabata presente pa lansa e wèpsait nobo di Servisio di Atmishon ku kapasidat multilengual. Awor e website www.immigrationcur.org ta brinda informashon na papiamentu, hulandes, spañó i ingles pa asina alkansá un oudiensia mas amplio.

Komo un servisio di gobièrnu ku ta duna informashon na tantu klientenan lokal komo internashonal, tabata di sumo importansia pa introdusí un website na mas ku un (1) idioma. Ku esaki, ta evitá ku idioma ta forma un barera pa yega na e informashon korekto na momento ku ke apliká pa un pèrmit di estadia òf un deklarashon.

Na momentu ku subi www.immigrationcur.org por skohe entre papiamentu, hulandes, spañó òf ingles, na e balki di idioma ku ta lokalisá na man drechi ariba na e página sentral.