KOMUNIKADO DI PRENSA 577/2023
6 desèmber 2023

Kuerpo Polisial preparando pa Karnaval 2024

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Ounke ku falta algun siman pa apertura di Karnaval 2024, Kuerpo Polisial ya ta den
preparashon kompleto pa esaki.
Durante di tres dia siguí, diferente hefenan ta sintando den e plataforma ku yama ‘Staf
Grootschalig Bijzonder Optreden (S.G.B.O.), na unda kada unu den su responsabilidat ta prepará pa diferente posibel senario durante di e marchanan di Karnaval partikular i temporada di Karnaval en general.
Karnaval ta un evenemento di multitut i tantu pa e aspekto di tráfiko, pero tambe di
aglomerashon di hende den sierto área na sierto momentu, ta importante pa traha plannan pa na momentu ku tin kualke insidente òf ku por tin asta un situashon di kalamidat, ku mesora polis por aktua, evakuá i keda garantisá e seguridat mas tantu posibel dor di tene e dañonan tantu na persona komo na propiedat limitá.
Naturalmente nos ta spera ku nada partikular lo sosodé i ku tur hende, tantu e públiko
komo partisipantenan lo bin disfrutá di e marchanan i regresá nan kas bèk sano i salvo.
Pero komo ku kuerpo ta responsabel pa òrdu públiko i seguridat, nos mester ta prepará pa por atendé ku kualke eventualidat. P’esei mes e ehersisionan di e dianan aki ta di gran nifikashon.

Riba e potrèt, e diferente hefenan enkargá ku e.o. investigashon, sosten, intervenshon,
komunikashon, òrdu públiko, informashon èts den preparashon di e responsabilidat ku ta kai bou di
nan.