Akshon ‘Fin di aña sin zanzaña’ a ranka sali
KOMUNIKADO DI PRENSA 590/2023
11 desèmber 2023
Akshon ‘Fin di aña sin zanzaña’ a ranka sali
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 11 di desèmber 2023 e akshon ‘Fin di aña sin zanzaña’ a ranka sali
ofisialmente.
Manera ya kaba Kuerpo Polisial a trese dilanti, e fin di aña aki tambe, lo garantisá
komunidat mas visibilidat di outoridat riba kaya. Esaki ta bira posibel ku koperashon di nos
partnernan CurMil i V.K.C. ku lo asistí nos ku kontròlnan tantu riba kamindanan públiko i
tambe na sitionan ku ta aksesibel pa públiko.
Durante di fin di aña tin mas moveshon riba kaya i den establesimentunan ku ta rekerí mas
presensia polisial kompará ku e otro temporadanan di aña.
Fin di aña ta temporada di fiesta i Kuerpo Polisial ta konsiente ku kada suidadano ta selebrá
esaki na su manera. No opstante esei, nos mester keda tene kuenta ku nos mes seguridat i
esun di otro. Nos gosamentu mester keda di un forma responsabel tur momentu, pa huntu
nos sera i habri e aña nobo den ambiente di goso i pas sin nada di lamentá.
P’esei e petishon ta bai na tur hende pa disfrutá na midí, sigui reglanan di tráfiko i otro
leinan vigente den nos komunidat i mas ku tur kos sigui tur òrdu duná dor di outoridat, na
bienestar di nos kada unu.
Sigui tur e rekomendashonnan di prevenshon ku den e próksimo dianan i simannan ku a
resta di e aña aki lo wòrdu publiká, pa nos sigurá nos mes i nos propiedat.
Riba e potrèt momentu di ‘briefing’ na edifisio prinsipal di polis na Winston Churchillweg,
prome ku e unidatnan subi kaya.

