KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon pa inmoralidat ku menor

KOMUNIKADO DI PRENSA 607/2023
16 desèmber 2023

Detenshon pa inmoralidat ku menor

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 15 di desèmber 2023 alrededor di 18.00’or un hòmber a yega na warda di polis
na Barber indikando ku su yu muhé menor di edat ya ta un dia pèrdí i ku awe el a
komprondé ku e ta kedando na un adrès den Kaya Eduardo Pieterson.
Polis a bai ku e tata na e adrès enkestion i despues di un kombersashon kòrtiku ku e dama
habitante di e kas ei, el a bai paden i bini pafó ku e damita menor di edat.
E dama habitante a bisa polis ku e hobensita tabata den su kas huntu ku e primu di e
habitante.
E unidat polisial a entregá tantu e hobensita komo e primu, e hòmber sospechoso S.P.D. di
21 aña di edat nasé na Kòrsou na e departamentu ku ta atendé asuntunan kontra moral, pa
mas investigashon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

 

639114718427035"
639114718427035"