16 di YANÜARI 2024 Charla: “SISOFRENIA” (SCHIZOFRENIE) na Sentro di bario Souax

16 di YANÜARI 2024
Charla: “SISOFRENIA” (SCHIZOFRENIE)
na Sentro di bario Souax

Fundashon Pro Souax i Sentro di bario Souax, ta informá habitantenan di Souax, Gato, Zegu i bisindario i demas interesado ku djamars próksimo 16 di yanüari lo tin pa loke ta 2024 e promé charla di e siklo di charla ” SALÚ I KUIDO DI BO SALÚ”.
E siklo di charla tin komo meta pa duna informashon i di e forma aki konsientisá habitantenan di Souax i bisindario i tambe otro interesadonan riba diferente aspekto di salú i kon di un manera responsabel kuida nan salú. .

E diferente charlanan di e siklo di charla “Salú i kuido di salú” lo ta na enkargo di DR. OCTAVIO OLIVA, dòkter di famia pa bario di Souax. E tópiko ku dr. Oliva lo trata e luna aki ta: “SISOFRENIA” . Lo e amplia riba diferente aspekto di e malesa mental aki. Entre otro e lo splika: kiko ta sisofrenia i kon ta diagnostiká esaki, karakterístikanan di e malesa, diferente forma di sisofrenia, kousanan i konsekuensianan di e malesa i tratamentu di un pashent ku sisofrenia.
Entrada ta grátis i lo tin amplio oportunidat pa hasi pregunta.
Un i tur ta keda kòrdialmente invitá pa bin skucha informashonnan interesante riba e tópiko aki.
Charla SALU I KUIDO DI BO SALU
Tópiko : “SISOFRENIA”
Oradó : Dr. OCTAVIO OLIVA
Dia : Djamars 16 di YANÜARI 2024
Ora : Shet’or pa mitar di nuebe di anochi (19.00 – 20.30)

Lugá : Sentro di bario Souax
Entrada : GRATIS