persona ku a hañ’e den problema na momento ku e tabata snòrkel a bin fayesé na e sitio.

Riba djaluna 29 di yanüari, alrededor di 12 or di mèrdia, ‘meldkamer’ sentral a risibí notifikashon tokante un persona ku a hañ’e den problema na momento ku e tabata snòrkel na e sitio di sambuyá ‘Aqarius’ situá riba Bulevar E.E.G. Personal di ambulans a inisiá mesora ku reanimashon, pero esaki tabata en bano, e hòmber a bin fayesé na e sitio. Ta trata di un turista di un barku krusero, di inisial J.M.B., nasé riba 25 di febrüari 1952, prosedente di Estádos Unídos.