70 ANIVERSARIO RADIO HOYER

WILLEMSTAD –  Minister di Enseñansa, Siensia, Kultura i Deporte (ESKD) sr. Sithree van Heydoorn tabata presente na komienso di e selebrashon di 70 aniversario di Radio Hoyer.  Radio Hoyer: “E Memoria di Pueblo’’, na kaminda pa 70 aña radio, a selebrá durante temporada di karnaval.

Dia 30 di yanüari 2024, Radio Hoyer a rindi homenahe póstumo na personanan ku a marka nos historia di radio difushon di pais Kòrsou positivamente: sr. Frank Rosina, sr. Edison Bornachera i sr. Elton Lauf. Ademas, ademas a konta historia di e radio. A konta ku presensia di vários persona ku ta aktivo den radio i prensa manera, entre otro: sr. Angelo Virginie, sr. Percy Pinedo, sra. Janice Wellhouse i sr. Cali Manuel. Na final di e anochi por a gosa di un tremendo ambiente karnavalesko di e banda ICONS riba Plaza Horacio Hoyer.  

Minister di ESKD, sr.S. van Heydoorn, den representashon di Gobièrnu, a yama e gran famia di Radio Hoyer danki. A la bes, Minister a gradisí tur e trahadónan pa e tremendo trabou ku nan ta ehersé den nos komunidat.