Presidente di Parlamento presente na konmemorashon di sr. Modesto ‘Chano’ Margaretha.
Parlamento di Kòrsou
Presidente di Parlamento presente na konmemorashon di sr. Modesto ‘Chano’ Margaretha.
Djaweps 8 di febrüari 2024, Presidente di Parlamento sra. Charetti America-Francisca, tabata presente na konmemorashon di sr. Modesto ‘Chano’ Margaretha, ku a kuminsá ku ponementu di krans na Morada Santa na Bottelier, siguí pa un seremonia ofisial den Kaya Modesto ‘Chano’ Margaretha, na Rooi Santu.
Sr. Modesto Apòstel ‘Chano’ Margaretha ta e promé miembro di Konseho Insular ku 66 aña pasá a hasi su disertashon na nos lenga materno Papiamentu. Na 2012 Gobièrnu di Kòrsou a dekretá ofisialmente 8 di febrüari komo ‘Dia di nos lenga Materno; Dia di Papiamentu’.











