KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshonnan durante di Gran Marcha (potret i video)

 

KOMUNIKADO DI PRENSA 065/2024
12 febrüari 2024

Detenshonnan durante di Gran Marcha

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Durante di Gran Marcha di Karnaval polis a hasi 19 detenshon, di kua 14 tabata hende
hòmber i 5 hende muhé.
E gran mayoria di personanan detené ta nasé na Kòrsou, unu na Jamaica i dos na Colombia.
Edat di e sospechosonan ta varia di 14 pa 60 aña di edat.
E violashonnan ku mas a bini dilanti tabata insulto di outoridat, resistí aresto i menasa di
polis.
A hasi dos detenshon pa violashon di lei di arma di kandela, un detenshon pa violashon di
lei di opio i buracheria públiko.
Ministerio Públiko a kobra Fls. 2640,- na transakshon ku a keda hasí.
Tres sospechoso a risibí un ‘dagvaarding’, unu a keda enkarselá i ku dos menor di edat lo
sigui ku e prosedurdura pa menornan.

 

 

639114718427035"
639114718427035"