KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

OPTIMALISASHON DI SSO

MINISTERIO KONSERNÍ MANEHO DI GOBERNASHON, PLANIFIKASHON I SERVISIO PÚBLIKO

 

OPTIMALISASHON DI SSO

PUBLIKÁ RIBA 15 FEBRÜARI 2024

WILLEMSTAD – Ministerio di Maneho di Gobernashon, Planifikashon i Servisio Públiko (BPD) ta duna splikashon referiendo na un komunikado di sindikato SAP ku a keda emití 14 di febrüari 2024, den kua e sindikato a ekspresá su preokupashon tokante di tumamentu di hende den servisio públiko.

Un di e tareanan di e departamento di “Shared Services Organisatie” (SSO) di e Ministerio di BPD ta servisio interno pa tur 9 Ministerio di e aparato públiko. Ta trata entre otro di departamentonan di atministrashon di finansiero (inkluso departamento di salario), atministrashon di personal, IT-Helpdesk, Centrale Inkoop, Document Management i departamento di Fasilidat. E departamento di SSO su funshonamentu ta determinante pa e otro ministerionan. Durante e último añanan tabata tin hopi reklamo riba funshonamentu di SSO en general i diferente di su departamentonan en partikular. Hopi asuntu ta tarda i no ta keda kla. E maneho di “Vervroegd Vrijwillig Uittreden” (VVU) a redusí drástikamente e okupashon di e diferente departamentonan. Okupashonnan di 50%, 40% i te asta 20% tabata normal. Esaki no solamente tabata tin su efekto negativo riba e kalidat di e servisio interno, pero tabata kousa tambe un peso di trabou hopi grandi riba personal eksistente.

A nombra 32 persona den servisio pa un periodo temporal di 1 aña pa asina atendé ku retrasonan eksistente i pa rekobrá kontinuidat den servisio interno. Tur e kandidatonan a firma un deklarashon ku Gobièrnu ta apliká ora di nombramentu den servisio kondishonal wardando resultado di e tèst médiko i informashon polisial di kada kandidato. Minister Martina tin e konfiansa ku e inisiativa pa refuerso temporal di SSO lo mehorá e servisio interno konsiderablemente pa asina e Ministerionan por sigui mehorá nan funshonamentu na bienestar di e ámtenar i pueblo di Kòrsou en general.

Pa loke ta trata opservashon di e sindikato SAP ku Gobièrnu debe ámtenar su loontrede i 3% lumpsum, Konseho di Minister a disidí ku ta paga e 2 komponentenan akí no mas tardá ku fin di desèmber 2024, bou di e kondishon ku e situashon finansiero ta permití. Pa loke ta trata abolishon di e lei di redukshon di kondishonnan laboral ku 12.5%, Minister Martina ta informá ku aktualmente tin un proposishon pa esaki na diskushon den “Centraal Georganiseerd Overleg in Ambtenarenzaken” (CGOA).

 

639114718427035"
639114718427035"