KÓDIGO DI PROTEKSHON I REVISTA: ‘KURASHI’’

WILLEMSTAD – Minister sr. Sithree van Heydoorn komo titular enkargá ku enseñansa  tabata presente na presentashon di e Kódigo di Protekshon i revista Kurashi di Ministerio di Desaroyo Sosial, Labor i Bienestar. E trayekto inter-ministerial ta un kolaborashon entre e ministerionan enkargá ku Hustisia, Salubridat, Enseñansa i Desaroyo Sosial. E ministerionan a traha spesifíkamente riba un kódigo di forma profeshonal pa protekshon di nos muchanan den e área di prevenshon di maltrato.

E trayekto aki a keda presentá huntu ku organisashon manera Unicef, Erasmus plus, Universidat di Kòrsou, i Fundashon Augeo . E komishon guiá pa e ministerio di desaroyo sosial ta traha pa prevení i minimalisá maltrato kontra mucha i  maltrato relashonal. Por scan e kódigo di QR òf mail na info@kodigodiprotekshon.com pa mas informashon.

Minister di Enseñansa, Siensia, Kultura i Deporte sr. S. van Heydoorn ta felisitá minister sra. Ruthmilda Larmonie i e komishon ku e bon trabou i na mes momento ta gradisí kada un ku ta traha na adelanto di nos nashon.

—

Sr. Sithree vah Heydoorn

Minister di Enseñansa, Siensia,  Kultura i Deporte