KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon i konfikashon relashoná ku kaso di sekuestro

KOMUNIKADO DI PRENSA 082/2024
19 febrüari 2024

Detenshon i konfikashon relashoná ku kaso di sekuestro

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un kaso di sekuestro ku a tuma lugá dia 10 di yanüari 2024, (Komunikado di
prensa 011/2024), personal di e Divishon di Krimen Organisá ku ta investigando e kaso, riba
òrdu di Fiskal di Ministerio Públiko, a tene den oranan trempan di mainta di djaluna 19 di
febrüari 2024, entrada hudisial na tres diferente adrès, kua ta Edisonstraat, Kaya Juffrouw
Polita Dirksz i Kaya Merida.
Durante di e entrada hudisial a haña i konfiská:
 Dos arma di kandela;
 Un kantidat di bolita di kokaina i plaka kèsh;
I tambe a hasi detenshon di kuater hòmber i un dama, kendenan ta:
 J.E.I., di 28 aña di edat,
 M.N.L.,di 19 aña di edat,
 S.N.F.Z., di 18 aña di edat,
 G.A.G.W., di 41 aña di edat i e dama R.P.P., di 61 aña di edat tur sinku nasé na
Kòrsou.
Durante di e entrada hudisial na Kaya Juffrouw Polita Dirksz a topa alabes tres persona
ilegal di nashonalidat Venesolano.
A detené tur tres i a transportá nan pa departamentu di Imigrashon pendiente di nan
deportashon.
Simultaneamente ku e entradanan hudisial aki na Kòrsou tabata tumando lugá, a tene un
entrada hudisial na Hulanda i a detené e hòmber M.U.J.M., di 26 aña di edat nasé na
Kòrsou.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.

 

 

639114718427035"
639114718427035"