Dos detenshon i konfiskashon
KOMUNIKADO DI PRENSA 084/2024
20 febrüari 2024
Dos detenshon i konfiskashon
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djamars 20 di febrüari 2024 alrededor di 14.00’or, e personal di Kuerpo Polisial ku
ta stashoná na Hato (Hato Polis) den koperashon ku KMAR, a tene un kontròl na aeropuerto
na e entrada pa stashoná vehíkulo.
Durante di e kòntrol a duna un shofùr òrdu pa para i esaki no a sigui òrdu di polis.
Despues a kuminsá un persiguishon tras di e vehíkulo i na altura di Juan Domingoweg e
vehíkulo a aksidentá kontrá di un muraya di un kas i e shofùr a baha kore bai lagandó un
dama atras.
Mesora polis a kore tras di e hòmber i a detené na un distansia i a tuma nota tambe ku e
hòmber akí mester a benta algu den kurá di un kas.
Despues polis a tene un kòntrol den kurá di un kas i a bin topa ku un arma di kandela.
Den e vehíkulo a haña un kashi di bala i mùts.
Tur a keda konfiská pa mas investigashon.
Na e sitio a detené e hòmber .W.W.R.L., di 23 aña di edat nasé na Kòrsou i e dama
M.M.M.M., di 22 aña di edat nasé na Hulanda, pa e kaso ariba menshoná.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.
