KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Premio UNESCO Curaçao pa Idioma Materno Papiamentu 2024

WILLEMSTAD – Riba 21 di febrüari, Dia Internashonal di Idioma Materno, Ministerio di Enseñansa, Siensia, Kultura i Deporte (ESKD) huntu ku Komishon Nashonal UNESCO Curaçao a hasi entrega di Premio UNESCO Curaçao pa Idioma Materno.
Nominadonan pa e premio tabata: srta. Aline A. Baki pa kategoria no profeshonal, i pa kategoria profeshonal, tabata sra. Merly M. Concepcion-Ersilia i sra. Mercee M. T. Doran. Ganadó pa kategoria no profeshonal a resultá: srta. Aline Adbul Baki, i pa kategoria profeshonal a resultá sra. Merly M. Concepcion-Ersilia.
E entrega a sosodé durante e diktado organisá pa Universidat di Kòrsou. Sekretario general di Ministerio di ESKD, sra. Susan Larmonie-van Heydoorn, a hasi entrega di e premio na nòmber di minister di ESKD sr. Sithree van Heydoorn den presensia di sekretario general di UNESCO sra. Marva Browne, i direktor di Instituto Nashonal di Idioma Curaçao sra. Marta Dijkhoff.
639114718427035"
639114718427035"