Komishon di VVRP di Parlamento ta yega Colombia

Willemstad- Despues di apoyo total (Moshon V 19 di òktober 2023) di
Parlamento aña pasa na Minister Charles Cooper i su plan pa introdusí un
programa nobo di supsidio pa esnan riba lista di espera. Ku e plan di aki banda
di hür di bibienda sosial pronto tambe lo por realisá ku e oportunidat pa kumpra
bibienda di un forma sosial.
Mi Kas awor, na analogia di Mi Casa Ya ta e programa Colombiano ku for di
2007 a krusa vários Presidente i a pèrkurá pa konstrukshon di 2.6 mion kas i
bendiendo nan ku pueblo por medio di e programa Mi Casa Ya.
Awe hornada di trabou di Parlamentarionan ta inisiá na Colombia, Bogota.
Nan lo keda risibí dor di Presidente di asosashon di Bankonan Colombiano
djaluna. Djamars nan lo bishita “siudad verde”.
Djárason nan lo sali pa Barranquilla i wak proyektonan di kas den un klima
similar na esun di Kòrsou. Djaweps nan lo keda risibí na Ministerio di Vivienda
ku e delegashon di Minister Catalina Velasco i djabièrnè nan lo ta ku Presidente
di Camacol e asosashon di konstruktornan Colombiano.
Minister Charles Cooper, FKP i komishon di VVRP di Parlamento ta enfoká pa
implementá un kambio struktural na e sistema di spar punto aktual, ku
implementashon aki yega na un sistema ku ta redusí anualmente e lista di
espera brindando famianan nan propio bibienda pa medio di “koop supsidie”.
Riba kompilashon di potrèt por tuma nota di e ekipo ku sali pa Colombia den
djadumingu ku e meta pa mehora bibienda pa yunan di tera.
Atentamente,
Gerensia Fundashon Kas Popular
03 di mart 2024