(VIDEO KOMPLETU) Homber nan ta graba kon polis ta persiguinan na Bonaire

Djabierne tras di lomba a surgi un persikushon riba nos hermana isla Bonaire. Ta trata di tres homber den un vehikulo ku dado momentu a risibi ordu di polis pa para nan vehikulo. Pero e shofur a disidi di kore bai laga polis.
E parti mas arogante ta ku e pasahero sinta patras den e vehikulo a disidi di kuminsa graba e persikushon i kon nan ta bezig ta enjoy i enkurasha e shofur pa kore mas duru pa bai laga polis i ku nan mester drenta den bario pa por perde polis. Na final e vehikulo a aksidenta i e okupantenan a purba baha na pia kore bai pa nan skapa di polis. Polis mester a los tiru den laira pa logra detene e homber nan aki.