KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Kaluroso resepshon pa Thaima Osepa

KOMUNIKADO DI PRENSA 112/2024
7 mart 2024

Kaluroso resepshon pa Thaima Osepa

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kaluroso resepshon pa Thaima Osepa
Djárason 6 di mart 2024, den oranan di atardi, agente polisial Thaima Osepa a regresá
Kòrsou, despues di a sigui un preparashon durante di 5 luna na Abu Dhabi.
El a keda risibí na aeropuerto ku un kaluroso bon bini dor di Minister di Hustisia mr. Shalten
Hato, miembronan di tim di maneho di polis, un peletòn di damanan polis i naturalmente su
famia.
Ku sierto regularidat Kuerpo Polisial ta manda su miembronan den eksterior manera
Hulanda, Merka òf den region, pa sigui un òf otro kurso òf tayer.
Loke ku ta hasi e kaso di Thaima unu un poko partikular, ta e echo ku ta trata aki di un pais
kompletamente deskonosí p’e i kisas pa hopi di nos. Banda di esei durashon di e estudio
tabata komparativamente ku otronan, bastante largu i intensivo.
Ta bini aserka ku ta diferente pais rònt mundu a partisipá na e treining, kaminda ku Thaima
a sa di gradua ku un tremendo prestashon.
E logro aki no ta solamente p’e i pa Kuerpo Polisial, pero pa Kòrsou, kaminda un bia mas nos
a demostrá ku no ta tamaño di e pais ta konta, pero e kalidat di su hendenan.
Despues di e resepshon na Hato, a hib’é ku eskolta polisial pa Marie Pampun, na unda
tabatin un selebrashon den seno familiar.
Un danki speshal ta bai na C.A.P. i jet Center pa e bon koperashon i fasilidat ku nan a duna
pa ku yegada di Thaima.

639114718427035"
639114718427035"