Selebrando Inklushon i Progreso: CIBC ta Honra Steering Committee Curaçao
Selebrando Inklushon i Progreso: CIBC ta Honra Steering Committee Curaçao
Willemstad 10 di Mart 2024- Pa kasi mei siglo, Steering Committee Curaçao (Steering Committee) ta un fuente di inspirashon, luchando pa inkluí hende muhé den sosiedat di Kòrsou. CIBC, (operando komo CIBC FirstCaribbean den Karibe Hulandes) ku orguyo ta rekonosé e impakto di e esfuerso inagotabel di organisashonnan di Steering Committee den avansá e kousa di hende muhé na Kòrsou.
Na okashon di Dia Internashonal di Muhé, CIBC ta ekstendé su gratitut na Steering Committee pa su kontribushon, rekonosiendo nan ròl klave den promové inklushon den nos komunidat.
E tema di Dia Internashonal di Hende Muhé ta resoná profundamente ku e trabou ku Steering Committee ta hasi: pa inspirá inklushon i invertí den hende muhé pa aselerá progreso. Pa kasi sinku dekada, Steering Committee ta na vanguardia di ambos esfuerso den komunidat di Kòrsou. Dor di stimulá muhé pa organisá nan mes den klupnan di personanan ku tin e mesun meta i dor di sirbí komo bosero komun pa e organisashonnan aki, Steering Committee a promové un kultura di inklushon i empoderamentu.
Den nos komunidat, inklushon di hende muhé a hunga un papel fundamental den impulsá progreso. CIBC ta rekonosé e impakto indiskutibel di Steering Committee i e organisashonnan ku e ta representá den liderá inisiativanan ku ta empoderá hende muhé i impulsá kambio positivo. E kontribushon di e banko ta un símbolo di apresio pa un organisashon ku a liderá tantu den inspirá inklushon komo den invertí den hende muhé.
Miéntras nos ta selebrá Dia Internashonal di Muhé, laga nos honra e kontribushonnan di Steering Committee i reafirmá nos kompromiso pa promové un sosiedat inklusivo. Laga nos huntu sigui inspirá inklushon i invertí den e ser muhé di Kòrsou pa aselerá progreso.
