TRABOUNAN DI MANTENSHON RIBA CARACASBAAIWEG
MINISTERIO KONSERNÍ TRÁFIKO, TRANSPORTE I PLANIFIKASHON URBANO
TRABOUNAN DI MANTENSHON RIBA CARACASBAAIWEG
PUBLIKÁ RIBA 09 MART 2024
Willemstad – Minister Charles Cooper huntu ku Servisio pa Obra Públiko (OW) ta informá ku entrante djadumingu 10 di mart, trabounan di mantenshon di kaya ta kuminsá riba Caracasbaaiweg.
E trabou ta konsistí di raspa i kita asfalt bieu, i pone un kapa di asfalt nobo. E trabounan lo tuma lugá riba Caracasbaaiweg, entre Dr. Maalweg i Architectenweg kuminsando for di na áltura di e lusnan di trafiko den Saliña.
Kontratista Curaçaose Wegenbouw Maatschappij ta enkargá ku ehekushon di e trabou aki, i nan lo tin un durashon di 4 dia. Orario di trabou lo ta di 8or di anochi pa 5or di mainta.
Durante ehekushon, habitantenan i negoshinan ku ta keda riba e kaya aki por por yega nan kas òf establisimentu normalmente. Pa otro outomobilistanan ku sa hasi uzo di e karetera aki pa algun otro motibu, lo tin ruta alternativo ku lo wòrdu guia pa bari oraño i bòrchinan.
Servisio pa Obra Públiko ta hasi un apelashon na tu outomobilista pa kore ku koutela.

639114718427035"
639114718427035"
