KOMUNIKADO DI PRENSA 125/2024
12 mart 2024

Dos detenshon relashoná ku intento di atrako

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku investigashon relashoná ku un kaso di intento di atrako ku a tuma lugá
djadumingu 10 di mart 2024 na altura di Hoogstraat, polis a realisá dos detenshon.
Djaluna 11 di mart 2024, alrededor di 23.15’or, polis a hasi detenshon di e dos hòmbernan
G.R.D., di 52 aña di edat nasé na Kòrsou i E.A.R.M., di 42 aña di edat nasé na Bonaire.
E detenshonnan a tuma lugá na un kas den Esmeraldaweg i a konfiská un vehíkulo
enkonekshon ku e investigashon.
A presentá e sospechosonan dilanti un fiskal ouksiliar ku a ordená nan enkarselashon
pendiente mas investigashon.