Rutvièna Rosalina i Ayannah Meyer ta kla pa representá Kòrsou na e sertámen hubenil mas grandi internashonal ku ta Miss Teen Universe 2024

QMQ Organization ta sera e temorada di sertámen International en grande
Rutvièna Rosalina i Ayannah Meyer ta kla pa representá Kòrsou na e sertámen hubenil mas grandi internashonal ku ta Miss Teen Universe 2024

Willemstad – QMQ Organization ta rekonosé komo un di e organisashonnan di beyesa hubenil mas grandi na Kòrsou, riba e tereno di representashon internashonal. Manera tur aña di nobo, un kantidat di hoben ta hana e opportunidat pa por representá Kòrsou riba tarima internashonal.

For di aña pasa òugustus e beyesanan a kuminsa ku preparashon. QMQ ta mira bèk riba un temporada eksitoso kaminda tur nos beyesanan a kai den tòp den nan respektivo sertámennan i asta ya nos tin un korona intenashonal mas, den persona di Zheenha Anisto ku a gana Miss Pre-Teen Universe 2024 na Cartagena Colombia febrüari último.

Den luna di april próksimo, e último dos hoben beyesanan di QMQ Organization lo biaha pa representá Kòrsou de e sertámen hubenil mas grandi international ku ta Miss Teen Universe ku lo tuma luga na Punta Cana, Sto. Domingo di 21 pa 29 april próksimo.

Miss Teen Universe ta kibrando rekord di tin mas ku 75 partisipante di diferente pais, den tres diferente kategoria huntu. E sertámen aki no ta deskonosí pa Kòrsou, komo Rigene Isenia a sa di gana e título makismo na aña 2021 pa Kòrsou.

E aña aki, Rutvièna Rosalina di 16 aña di edat lo representá Kòrsou den e kategoria di Miss Teen Petite Universe i Ayannah Meyer di 15 aña di edat lo representá Kòrsou den e kategoria Miss Pre Teen Universe. E sertámennan ta kana huntu i lo kuminsa dia 21 april i lo terminá huntu djadumingo anochi 28 april 2024, kaminda por sigui e show live atraves di e plataforma di Miss Teen Universe riba youtube.

For di e siman aki, publikashonnan riba media social ta kuminsa intensiva i por mira tur e projektonan ku nos dos representantenan ta trahando riba dje i tambe kon nan ta preparando pa e sertámen. Por sigui tur desaroyo atraves di e paginanan social di QMQ Oranization, pero tambe via di pagina di kada un representante.

QMQ Organization lo sa di mantene pueblo di Kòrsou na altura di tur desaroyo rondo di e sertámennan i ke pidi pueblo di Kòrsou pa ban sostené nos dos representantenan ku bo voto via e página ofisial di e sertámen di Miss Teen Petite Universe i Miss Pre Teen Universe.

QMQ Organization i hinter e tim ta hasié pa Kòrsou i nos ta kere den nos hobennan. Nos ta yama un danki spesial na e grupo di spònsor grandi tras di nos beyesanan ku ta, Derek Olbino Photography, InFilms Videos, Choco Photography, Glitzy Handbags and Accessories, Slay by Sien makeup i nos estilista di kas Rodney Aniseto di RA Studio. Huntu e tim lo sa di saka kara di Kòrsou un biaha mas.