KOMUNIKADO DI PRENSA 154/2024
28 mart 2024

Atrako ku detenshon

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 27 di mart 2024 alrededor di 15.43’or, Sentral di Polis a risibí informashon ku un
atrako arma a tuma lugá den Brievengat na altura di un Crematorio.
Mesora a dirigí unidatnan den e direkshon ei.
Na e sitio polis a topa ku un dama ku a deklará ku un ratu promé un outo koló shinishi a
blòki’é i (2) dos hòmber a baha, habri su porta di outo i menasé ku un arma di kandela.
Nan a kwe un tas di plaka bai kuné i a lòs un tiru den laira durante di nan huida.
Djis un ratu despues un agente polisial a señalá e outo ku a tira e atrako riba Winston
Churchillweg. Einan a kuminsá un persigushon ku a kaba den Buena Vista.
Alrededor di 16.00’or, un unidat polisial a detené un di e atrakadónan, e hòmber J.G. di 27
aña di edat nasé na Kòrsou na altura di e krusada Cozumelweg/Biminisweg.
A kontinuá ku un buskeda den área di Buena Vista pero no a enkontrá e otro atrakadó.
Despues di e detenshon a tene entrada hudisial na dos adrès den Buena Vista.
A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.